馬拉松式桌遊日！ 依幾日連續共玩了3場Speakeasy地下酒館，本身好似發現遊戲有必然跑法，點知玩第三次後又試到其他路綫原來都有得贏，正！下次有機會加埋擴充再玩 然後今日終於有機會開到The Presence的戰役模式，但是頭2關其實都是同一隻鬼魂，然後5人玩個downtime思考時間都幾長，搞到玩兩場就要收檔，好彩已約好下次會開第三關，偷睇咗之後每關隻鬼都會轉，極期待！ 最後玩場Valeria Card kingdom作結，終於玩到一款類卡坦遊戲個6號骰面可以正常運作！屈6贏都可以叫做實至名歸吧！ #桌遊介紹 All On Board HK棋間限定桌遊店Book位熱線53935367 Global Gateway Tower 16樓11室 (荔枝角MTR Exit B)

劇透！點解X-Men個Beast變咗黑色？答案係因為佢是假的！成為全日金句 今日試破marvel champions age of apocalypse Campaign失敗，第三關貪心想解決埋新的支線任務系統須捱住暫時不打頭目，令遊戲時間加長。 整體來講，關卡設都有些少特色，故事雖然有twist但都唔算好出色，反而最正是死待其中有一句台詞極爆笑。 #玩Game記錄 AllOnBoardHK棋間限定桌遊店Book位熱線53935367

懷疑又發現一款神Game！ 這款Formaggio桌遊採用同時工人放置機制，玩定要整芝士交單，特別的地方是無論你想制作什麼級數的芝士都不需任何資源準備，想整就整但制作年份愈長的芝士，你的工人便需要多一點時間才可以回收，另外主版圖上有4個不同地點，代表將你的芝士送到不同地方不同用途以獲得分數。 進階模式更會提供4塊設施版塊供玩家開局前輪抽以取代基本遊戲的設施，以組成獨有的能力combo。 此作是Fromage的獨立擴充，可以獨立遊玩，或者與基礙遊戲組合，令主版圖地點及設施的變化更多，更具重玩性。 單爺評分 8.5/10 #桌遊評論 All On Board HK棋間限定桌遊店Book位熱線53935367 Global Gateway Tower 16樓11室 (荔枝角MTR Exit B)

先玩一場The Presence，複雜程度似箱女，但好似山中小屋甘加咗故事，同埋每隻鬼同人都有獨立的行動卡牌庫，人類玩家仲需要估鬼魂玩家是否好人，幾好玩，想快點再試玩戰役模式👻 然後試玩這款Roll Player，一款擲骰子RPG Fantasy主題的輪抽卡牌遊戲。每次從市場購買裝備及技能時都會得到1骰骰子用於增加自己角色的能力屬性。每個屬性激活時都可以控制你角色版圖上的骰子位置或骰面數值，使用技能或得到稱號是會影響角色的邪惡程度。遊戲結束時符合你角色性格的邪惡等級、符合種族的能力要求等等都能得到分數，但遊戲的單人模式會比較乏味。 久違地玩一場兵臨城下身份4人局，抽到獨自一人一隊，未能與另一位單獨隊合作，失敗 最後再玩一場Estate，真的未去到最後一刻都不會知道誰會勝出，但今局慘變輪流做Game Balancer，大家都迫到對手好緊，絕不能鬆懈！ #桌遊介紹 All On Board HK棋間限定桌遊店Book位熱線53935367 Global Gateway Tower 16樓11室 (荔枝角MTR Exit B)

5人局Grimcoven試打Graveyard Dragon，首先多人玩好似易玩少少，另外不同角色強度差距有點大，再加上進化時抽的進化卡牌強度又係差距很大，加上敵人攻擊玩家擲骰子時的傷害結果個range又幾大（但都唔夠前兩者影響咁大） 總結，未玩過唔知那位角色是廢的，然後不小心選用，再加每次進化時爛手牌的話基本上很難贏。但如單爺所料，用輕game心態玩的話都玩得幾開心，雖然遊戲時間比較長，但參加者唔算太感覺到。 飯後再玩風榮社的Midrush，講真依款遊戲除了卡牌超級美靚外，玩法都不錯，但真是對新手太不友好，所有遊戲規則都在一個不公開的牌庫中，玩家要透過不斷試錯慢慢找到方向，很多時要到後期才知道如何上手。 #桌遊評論 All On Board HK棋間限定桌遊店Book位熱線53935367

先玩一場Unicorn Overlord The Card Game,又比儲齊10兵種大教堂玩法屈機，再加埋有人用道具流派搞，搞到最後爆發輪由60up戰力打到落單位數，慘😭 然後玩一場明日方舟桌遊版全擴充，不小心選了一個4星操作難度的角色使用，全擴充的感覺是新增很多行動combo，但是基本遊戲要做的東西加擴充要做的全部加上來太多，最後有很多範疇不需要理會都能得到高分數的感覺不太好。 最後玩一場Daitoshi（大都市）繼續用生產力Engine加森林track流派屈機，最後少勝幾分，緊湊。 但遊戲的combo及運作原理對新手來說真的比較難上手，又是一隻有經驗差屈新手感覺的遊戲。 #桌遊評論 棋間限定All On Board HK桌遊店Book位熱線53935367

Tainted Grail kings of ruin,由Awaken Realms推出的故事冒險類桌遊，此作為Tainted Grail無印版2.0修正版的獨立遊玩擴充。玩法多處地方修正Bug，故事性合格，但每一關遊玩時間偏長，玩法不是本作的賣點。 以一款角色扮演以及半開放式世界設定的桌上遊戲來說，行動自由度合格，故事合格，戰鬥合格。 單爺評分 5.5/10 #桌遊評論 All On Board HK桌遊店Book位熱線53935367

先玩一場卡內基新部門擴加新捐贈再加自由起始資源。 隻game每次玩唔同部門組合感覺都會好唔同，大家睇當局收人次序唔同改變部署再影響你的行動部署，簡短核心規則帶來重策略玩法，正 然後試玩Age of Steam,全球玩家精選100大策略類桌遊。所有嘢都好完美，但係頭一二輪唔比亂玩，會玩到入不敷出，玩到負分有淘汰機制（仲要好易負分）。另外說明書寫得好差，寫到簡短到唔上網自己睇forum研究一定唔知佢點玩，同埋這類建造火車軌的桌遊都是好難解析放置版塊的限制規則。 建議第一次玩先試行二輪然後立即重開局，有利玩家們熟習。 單爺評分 7/10 #桌遊評論 All On Board HK桌遊店Book位熱線53935367

連續兩日玩Arydia3人局，故事劇情幾出色，很多好有記憶點的劇情發展。 戰鬥設計上，睇到作者在關卡設計上有放少許心思，戰鬥機制唔算複雜但基本上combo只能在一個玩家回內做齊，無得一早計劃定兩個回合後的企位與及其他玩家的聯合攻擊。命中全然睇擲骰，就算想計都無得計，最後都只是每下打1傷害（變相佢個打部位系統無咗） 但講真好多位睇得出作者的用心制作，上色的怪物模型相比某A廠，真的十分出色，仲要採用盲盒保存以保神秘感。 開放世界的世界改變、狀態自動無app儲存設計、支線任務設計及團隊旅行部分但能巧妙地從簡，並同時配合劇情發展帶來豐富的變化！ 以這遊戲的售貨能夠享受這級數的遊戲體驗，真的超值👍🏻 #桌遊評論 All On Board HK桌遊店Book位熱線53935367

先玩一場Skyrim The Adventure Game 5人對打局，依個模式用處真係比大家試下遊戲點玩，最重要係遊戲設計有點怪，愈多人玩愈快完，搞到個角色還未開始成長就結束遊戲。加擴充變5-8人玩更加是得啖笑，建議如果諗真體驗依款遊戲，就玩2-3人得一般合作故事模式。 但總結咁樣多人互相競爭拎分都幾搞笑，途中不斷出現睇人擲骰子miss，極開心🤪 然後玩一場日本小桌遊，心理戰捉海鰻，卡牌與及版圖都超可愛，玩法輕鬆，正😄 然後玩魔女之森，與魔法少女小圓同畫師的作品。玩法似印加寶藏，但更高策略及有後追機制，心理戰屬於有跡可尋的猜測，講真淨係啲畫同睇人x街都夠開心！ 最後玩一場First Rat，垃圾堆拉垃圾砌火箭做太空老鼠。跑步game但又唔一定跑最快一定贏，簡單玩法帶一點策略，多種得分方法，設進階模式供熟習遊戲的玩家嘗試，推廣👍🏻 #桌遊日 All On Board HK桌遊店Book位熱線53935367