5人局Grimcoven試打Graveyard Dragon，首先多人玩好似易玩少少，另外不同角色強度差距有點大，再加上進化時抽的進化卡牌強度又係差距很大，加上敵人攻擊玩家擲骰子時的傷害結果個range又幾大（但都唔夠前兩者影響咁大） 總結，未玩過唔知那位角色是廢的，然後不小心選用，再加每次進化時爛手牌的話基本上很難贏。但如單爺所料，用輕game心態玩的話都玩得幾開心，雖然遊戲時間比較長，但參加者唔算太感覺到。 飯後再玩風榮社的Midrush，講真依款遊戲除了卡牌超級美靚外，玩法都不錯，但真是對新手太不友好，所有遊戲規則都在一個不公開的牌庫中，玩家要透過不斷試錯慢慢找到方向，很多時要到後期才知道如何上手。 #桌遊評論 All On Board HK棋間限定桌遊店Book位熱線53935367

先玩一場Unicorn Overlord The Card Game,又比儲齊10兵種大教堂玩法屈機，再加埋有人用道具流派搞，搞到最後爆發輪由60up戰力打到落單位數，慘😭 然後玩一場明日方舟桌遊版全擴充，不小心選了一個4星操作難度的角色使用，全擴充的感覺是新增很多行動combo，但是基本遊戲要做的東西加擴充要做的全部加上來太多，最後有很多範疇不需要理會都能得到高分數的感覺不太好。 最後玩一場Daitoshi（大都市）繼續用生產力Engine加森林track流派屈機，最後少勝幾分，緊湊。 但遊戲的combo及運作原理對新手來說真的比較難上手，又是一隻有經驗差屈新手感覺的遊戲。 #桌遊評論 棋間限定All On Board HK桌遊店Book位熱線53935367

Tainted Grail kings of ruin,由Awaken Realms推出的故事冒險類桌遊，此作為Tainted Grail無印版2.0修正版的獨立遊玩擴充。玩法多處地方修正Bug，故事性合格，但每一關遊玩時間偏長，玩法不是本作的賣點。 以一款角色扮演以及半開放式世界設定的桌上遊戲來說，行動自由度合格，故事合格，戰鬥合格。 單爺評分 5.5/10 #桌遊評論 All On Board HK桌遊店Book位熱線53935367

先玩一場卡內基新部門擴加新捐贈再加自由起始資源。 隻game每次玩唔同部門組合感覺都會好唔同，大家睇當局收人次序唔同改變部署再影響你的行動部署，簡短核心規則帶來重策略玩法，正 然後試玩Age of Steam,全球玩家精選100大策略類桌遊。所有嘢都好完美，但係頭一二輪唔比亂玩，會玩到入不敷出，玩到負分有淘汰機制（仲要好易負分）。另外說明書寫得好差，寫到簡短到唔上網自己睇forum研究一定唔知佢點玩，同埋這類建造火車軌的桌遊都是好難解析放置版塊的限制規則。 建議第一次玩先試行二輪然後立即重開局，有利玩家們熟習。 單爺評分 7/10 #桌遊評論 All On Board HK桌遊店Book位熱線53935367

連續兩日玩Arydia3人局，故事劇情幾出色，很多好有記憶點的劇情發展。 戰鬥設計上，睇到作者在關卡設計上有放少許心思，戰鬥機制唔算複雜但基本上combo只能在一個玩家回內做齊，無得一早計劃定兩個回合後的企位與及其他玩家的聯合攻擊。命中全然睇擲骰，就算想計都無得計，最後都只是每下打1傷害（變相佢個打部位系統無咗） 但講真好多位睇得出作者的用心制作，上色的怪物模型相比某A廠，真的十分出色，仲要採用盲盒保存以保神秘感。 開放世界的世界改變、狀態自動無app儲存設計、支線任務設計及團隊旅行部分但能巧妙地從簡，並同時配合劇情發展帶來豐富的變化！ 以這遊戲的售貨能夠享受這級數的遊戲體驗，真的超值👍🏻 #桌遊評論 All On Board HK桌遊店Book位熱線53935367

先玩一場Skyrim The Adventure Game 5人對打局，依個模式用處真係比大家試下遊戲點玩，最重要係遊戲設計有點怪，愈多人玩愈快完，搞到個角色還未開始成長就結束遊戲。加擴充變5-8人玩更加是得啖笑，建議如果諗真體驗依款遊戲，就玩2-3人得一般合作故事模式。 但總結咁樣多人互相競爭拎分都幾搞笑，途中不斷出現睇人擲骰子miss，極開心🤪 然後玩一場日本小桌遊，心理戰捉海鰻，卡牌與及版圖都超可愛，玩法輕鬆，正😄 然後玩魔女之森，與魔法少女小圓同畫師的作品。玩法似印加寶藏，但更高策略及有後追機制，心理戰屬於有跡可尋的猜測，講真淨係啲畫同睇人x街都夠開心！ 最後玩一場First Rat，垃圾堆拉垃圾砌火箭做太空老鼠。跑步game但又唔一定跑最快一定贏，簡單玩法帶一點策略，多種得分方法，設進階模式供熟習遊戲的玩家嘗試，推廣👍🏻 #桌遊日 All On Board HK桌遊店Book位熱線53935367

萬聖節當然要入神祕又古老的神殿探險，再玩蜘蛛神殿地圖，試用機械師聯同馬嬲仔助手整車車🚗最後每位的分數都好緊貼，好玩😙 #桌遊場地 All On Board HK桌遊店Book位熱線53935367

試玩埋Lost Ruins新擴充另一面貓頭鷹神殿地圖，依面升神殿的費用感覺上大大增加，令初期想拎助手的玩家十分苦惱，但最後突破瓶頸位後有爽到，開心，幾好玩 然後再試Ashes卡牌遊戲的新對戰format（Ashes500限cost制度），每張卡放入牌庫都會計算一個cost值，總共只能用合計500費用的卡牌（30張卡牌）令很多必用combo不再出現，見到更多款打法，又玩到另一風味。 #桌遊場地 All On Board HK桌遊店Book位熱線53935367

今日玩了兩款好桌遊 先試玩Lost Ruins最新地圖擴充，新玩法有嘗試為原有角色調整難度，加上玩法特別，又有極多新配件配合，新鮮感足夠👏🏻 然後試玩Small City Deluxe Edition，不要看其細尺寸外盒以及遊戲名稱，其實此桌遊極度重策略，城市規劃難度滿分，每種行業以至居民的幸福度、污染和城市吸引力帶來新移民及生育，完全是細緻度十足的桌遊版模擬城市🏙️ 沒有預備足夠腦力都不建議亂試開局🤨 單爺評分： 7/10 #boardgamesreview All On Board HK桌遊店Book位熱線53935367

先玩一場Terror Below，渣車仔運蛋打沙蟲，部件靚，過程刺激，爽😊 然後玩漁火，做漁民渣船網魚去魚市場賣，又一賭狗神Game玩法獨特，正👍🏻 然後玩Cthulhu Death May Die 眾籌解鎖的關卡，山羊都識無限增殖有點挑戰性，最後用魔法加槍械屈射程戰勝古神 連玩兩場Hidden Leaders，玩Game要好玩唔一定要多嘢同多規則，玩法的精妙完美體現，終極大推（已拍片介紹） 最後玩一場時凶教授，真點運氣game，比教授企死一個機關位唔肯走，玩到有點辛苦，玩到要操Game reroll幾次電腦粒骰先贏到，何等屈辱，今晚要訓唔著了🥺 #桌遊介紹 All On Board HK桌遊店Book位熱線53935367