桌遊介紹 | Dora Sure - 獵龍戰記

大家好!我個名叫做單尼爾,係一個「老獵人」…… 今日一月二十六日係Monster Hunter World遊戲伺服器開始營運嘅日子。 當各位好友至鋪頭其他人都去哂玩依隻全新嘅Mon Hun大作果陣,我獨自一人留喺棋間限定鋪頭入面思考人生,思考一下鋪頭冇客點算好? 突然間靈光一閃!腦入面浮出一副來自日本嘅桌上遊戲-Dora Sure 獵龍戰記。 獵龍戰記係一副日本人氣RPG桌上遊戲,故事描述幾個不同身世嘅冒險者集合主動迎擊匿藏於五個哈維尼亞地區山脈附近嘅古代生物紅龍。 冒險期間紅龍會間中出現攻擊玩家或者其他村莊,冒險者需要喺同紅龍決戰之前盡快變強,挑戰哈維尼亞山脈的魔物奪得傳說中嘅龍之祕寶以及屠龍武器或者係唯一而正確嘅目標!當冒險者喺哈維尼亞山脈附近冒險時會觸動紅龍神經或者所有嘅紅龍巢穴都被征服果陣,紅龍就會現身,大家立即進入決戰! 雖然故事好似好正加上身為一隻日本桌遊所以擁有好多唔錯嘅囡囡又有得打龍,理論上好似可以同Mon Hun W不相伯仲,但其實隻Game入面嘅戰鬥全部都係用偉大嘅擲骰仔決定一切相比Mon Hun注重技術嘅玩法好似又差咁啲,玩嘅時候係就係歡樂十足,表面上就係屠龍其實就係比龍屠每次玩都係爆笑多過刺激。重要係關鍵嘅囡囡好多都要特登買擴充版先至有仲要超貴,Mon Hun W 嘅魔物DLC 都玩免費啦(應該係免費我估)。 係咁嘅情況下,我唯有X衝埋其他擴充玩獵龍戰記(好似有7個)再買埋個40吋電視番鋪頭玩Monster Hunter World,一次過滿足哂兩個願望啦! 未完待續…… #曲線宣傳 #冇生意係真 #老獵人層龍求組隊 #JapaneseGame #RPG

免費活動 | 棋間限定的解謎挑戰狀

事源 有個同事玩完解謎Game之後,係咁話自己幾快幾醒。 作為佢隊友,我真係頂佢唔順…(當然梗係我醒啲啦) 但我突然心生一念,到底呢啲解謎Game平均破關時間係幾快呢? 到底我地係咪真係解得咁快呢 ? 我哋誠邀各位於2018年2月4日到本店,挑戰我地玩解謎遊戲嘅破關時間啦! 本次活動費用全免,當日玩幾多副解謎Game都得! 平均破關時間將會以不記名形式,放上專頁供大眾參考, 以後大家玩解謎Game就有時間參考啦。 無論你有冇玩過解謎類Board game都歡迎參加今次嘅活動。 我地建議最佳人數為2-4人,搵你最聰明、轉數最高嘅朋友黎挑戰我地啦! ==================================================================== 活動詳情: 參加者可以在活動當日 2018年2月4日下午2時至晚上10時期間 任玩以下解謎類桌上遊戲: Unlock、Deckscape、Time Story 費用全免 當日玩完解謎Game後,亦可以半價優惠試玩其他桌上遊戲 參加辦法: 瀏覽我哋網站活動頁面填寫資料參加,檢查確認電郵 #解謎 #桌遊大數據 #比啲面我唔好玩咁快 #Unlock #Deckscape #TimeStory #puzzle #event

桌遊介紹 | Bunny Kingdom

狡兔唔洗三窟嘅,最緊要識揀手牌! 為各位介紹近期大熱嘅一副桌遊「Bunny Kingdom」,睇落啲兔仔Meebo 好得意,張地圖又的的骰骰,應該都會好輕鬆﹑好歡樂。但其實殊不知兔仔之間嘅戰爭係好殘酷㗎… 呢隻Game 入面各位玩家會帶領各自嘅兔子兵團係一塊10x10 嘅地圖上面互相爭奪領土﹑資源、建設大兔子帝國,並於有限回合內生產出最多金色蘿蔔(分數)為勝。 遊戲精髓就在於每輪嘅輪抽階段,一開始各個玩家會有10-12張手牌(視乎玩家人數),並從中選擇其中2張使用,然後將剩下手牌傳比下一位玩家,再選再傳,直到所有手牌用盡。因此每次玩家可以揀對自己最有利嘅手牌,亦可以keep對手牌令對手領地打開缺口! 手牌內除咗有領地牌(讓玩家永久佔領該土地)、 營地牌(讓玩家暫借土地)、城堡牌(讓玩家可以建設城堡),仲有各式各樣可以令玩家係最後結算一擊翻盤嘅羊皮卷軸! 雖然羊皮卷軸只會在最後一輪結算,但當中效果十分強大,能給予玩家大量分數!所以,玩家必須時刻回顧已選嘅羊皮卷軸,因為會影響你往後嘅策略。 呢隻遊戲可以玩嘅策略好多,就算領地被對手𠝹開、資源被壟斷,遊戲總有方法令你釜底抽薪,一下反擊!一齊黎試玩下,建設最強大嘅大兔子帝國啦! #好打耳 #大兔子帝國嗰名好霸氣 #取代人地CAMP個下好爽 #bunny #SetCollection #AreaControl #CardDrafting

桌遊介紹 | Bloodborne: The Card Game - 血源詛咒

相信Bloodborne依個名如果有打開機嘅你都一定知咩黎,但係如果我話你知原來佢都有出一隻Board Game嘅話咁你又知唔知玩乜呢? 喺依隻Board Game 入面玩家會擔當獵人,為得到血之迴響(即係錢)而疲於奔命。遊戲可供二至五人參加,玩家需要合作對付接踵而來嘅怪物,直至到達最終大佬並將佢殺死為止。依個遊戲入面所有小怪都會喺一回合後逃走,但係小BOSS同FINAL BOSS 不單止唔會逃走,相反佢會留喺場上繼續追住玩家打,直至有玩家將佢殺死! 戰鬥時,每個玩家會同時面朝下打出一張卡,你嘅同伴有可能會打出攻擊牌合力消耗怪物血量亦有可能係打出獵人夢境卡自私逃走!計算傷害嘅時候會由部份擁有先攻能力既武器或道具先行攻擊怪物,如果怪物仲未死就會攻擊獵人。獵人根據怪物嘅危險度擲骰,不幸擲到帶有”X”符號嘅骰面果陣,即喺代表怪物使用連續攻擊!獵人需要不停受到傷害直到擲到沒有”X”符號的骰面。此時如果仲有未死嘅獵人,就會由近戰武器展開攻擊。如怪物成功被擊殺,所有參與戰鬥的獵人會得到獎盃及造成怪物傷害相應的血之迴響。 戰鬥後就會輪到打出獵人夢境卡或者死亡的獵人在獵人夢境中選擇升級、存入血之迴響、補血及取回所有用過嘅行動卡。遊戲會喺FINAL BOSS死亡時完結,最後擁有最多血之迴響嘅玩家成為唯一嬴家! 遊戲雖然採用合作模式打怪,但係最終只會有一個贏家,加上大部份出現嘅怪物都十分強大,用燃燒彈、鎗喺後面執尾刀,仲有逃走入獵人夢境等,各種坑隊友場面會時常出現!如果想玩可以搞局或者鐘意整人嘅遊戲,依隻合作(?)遊戲相信都會令你滿意。 通常呢類賣Theme 嘅桌遊都只會係掛羊頭賣狗肉,玩落感覺上

Unlock 最新集數封面流出!

今朝一早竟然見到Unlock出左新嘅集數,見到啲題材都好吸引,高速post出黎比各位望望先! #又玩老鼠? #今次我會望真個_ #綠野仙踪? #一波未平一波又起 #Escape #Coop #puzzle

桌遊介紹 | BABEL 巴別塔

你以為沒有上帝的阻撓,巴別塔就能建好嗎? 這是2016年日本出版嘅身份隱藏遊戲,玩家會分為建設者與狂信者2個陣營,建設者目的是把8層的巴別塔建好,而狂信者則要使用各種技巧,在巴別塔完成前讓建造者親手把塔弄倒。 要建成巴別塔,不得不先介紹整個遊戲嘅精髓 - 地板牌 在遊戲開始時,玩家會分別獲得3張V形嘅地板牌,而V形地板牌是不能單獨使用,必須與另一塊V形地板牌組合成完整地板牌才能使用,我們稍後再解釋。 地板牌上面的數字代表牆的高度,有1-5 。組合完成的地板牌上應有2個數字,代表2面牆,然後玩家將相應的牆卡按高度放到相應位置,就完成一層了! 正式開始遊戲時,回合玩家會選擇一張地板牌數字朝上向其他玩家展示,而其他玩家則跟據該數字從自己的地板牌中選擇一張,並以數字朝下方式打出。 由於不同高度的牆卡有差異,巴別塔有機會越起越歪,甚至倒塌。建造者應盡量與回合玩家打出的相近,才能保持塔身穩定。狂信者就⋯⋯ 一輪口術之後,回合玩家從數字朝下的地板牌中選擇一張,並與自己打出的地板牌組合成完整地板牌。回合玩家將完整地板放到上一層的牆上並放上新的牆卡,便完成一個回合。接下來,各元家補一張地板牌,到下一位玩家出示一張地板牌,開展新一回合。 當巴別塔完成第8層時,回合玩家須把塔頂放上。放上塔頂後而塔沒有倒塌,建造者獲勝。 要注意,雖然狂信者是以摧毀巴別塔為目標,但若在自己回合弄倒,則算建造者獲勝。 遊戲尚有另一個模式,以各種動物取代身份,玩家只能扮該種動物與其他玩家溝通,十分有趣,各位可以一試。 後記 遊戲機制相當有趣。雖說狂信者人數較少,常處於劣勢。但要起夠8層塔,手夠唔夠定,依然主宰成敗。 不

桌遊介紹 | 光合作用 - Photosynthesis

唔知道平時你有無用開EPS比錢呢,如果無都唔緊要,玩依副由 Broadway Games 栢龍玩具代理嘅桌上遊戲「光合作用」你都可以一齊種樹! 依個遊戲嘅目的就係要大家齊齊鬥快種樹!玩家們需要爭取吸收最多嘅陽光,務求令自己種嘅樹生長得比其他玩家種嘅樹快。遊戲會以一棵小樹開始,玩家透過播種同成長自己嘅樹去擴展自己嘅樹群,所有嘅行動都透過消耗陽光去進行,只要有足夠陽光,玩家每回合嘅行動次數係無限制。 每位玩家嘅回合開始之前,太陽都會以不同的方向照射大地,而地上嘅樹就會有一次進行光合作用嘅時間。 被太陽照到嘅樹木會得到相應樹木大小嘅陽光,玩家要留意陽光照射既方向,盡量令自已嘅樹係陽光照射範圍,因為較高嘅樹唔會比矮嘅遮到,而樹陰下嘅所有樹都唔能夠吸收陽光,只有成長速度能適時配合到陽光照射方向嘅樹先可以成為有腦之樹! 係正常模式下,當太陽轉完三個圈之後遊戲就會立即結束。玩家得分嘅方法只有一個,就係自己回合內收割自己最高嘅樹從而獲得該棵樹嘅養份(分數) 。地圖愈接近中央位置嘅土壤會愈肥沃,亦同時代表玩家需要更多時間及部署先可以到達中央播種。 遊戲還有一個進階模式,遊戲結束時間改為太陽運轉四圈,重要嘅係處於樹陰下土壤或樹木除左唔可以吸收陽光之外,就連播種同生長都唔比!試玩完普通模式後,一定要試埋呢個進階模式,極限挑戰依個叢林飢餓遊戲! 小編玩完依個遊戲之後,發現到原來種一棵樹係咁難,以後我會更加珍惜樹木。 有興趣試玩既朋友, 盡快黎棋間限定啦! #冚家鏟泥齊種樹 #唔好再亂浪費紙張啦 #我下世唔想做樹 #栢龍 #Trees #ActionPointAllowanceSystem #Es

Featured Posts
Recent Posts
Archive
Search By Tags
Follow Us
  • YouTube Channel
  • All On Board HK Facebook Page

© 2020 by All On Board HK Limited.

  • AOB-facebook
  • YouTube Social  Icon
  • 棋間限定 Yelp Shop

Phone: +852-53935367

Address: 2/F, 393 Shanghai Street,

               Yau Ma Tei, Kowloon Hong Kong